Zoë Martlew flytur kabarettinn Revue Z, frumflutningur + vinnustofa

„ljóska, selló, dýna og mikið af stafrænum hljóðum…“

- Miðvikudagskvöldið 14. maí í Hafnarhúsinu kl: 20 – Revue Z, einnar-konu-söngleikjakabarett með Zoë Martlew – ókeypis inn

- Miðvikudagskvöldið 21. maí í Hafnarhúsinu kl: 20 – Zoë Martlew frumflytur verkið Makhana eftir Gunnar Karel Másson, hljóðskáld og Maríu Dalberg, vídeóskáld – ókeypis inn

/

Jaðarber kynnir komu framúrstefnu-kabarettlistakonunnar Zoë Martlew til landsins. Zoë Martlew er sellóleikari, tónskáld og alhliða listflytjandi og mun koma fram á tvennum tónleikum hjá Jaðarberi auk þess að halda vinnustofu í spuna og leikhúsi, miðluðu með tónlist.

Miðvikudagskvöldið 14. maí mun Zoë flytja einleikinn Revue Z, sem hún hefur flutt við góðan orðstír um allt Bretland og á tónlistarhátíðum víða um heim. Í verkinu tvinnar hún saman eigin tónlist og vel þekktum slögurum sem hún velur út frá hverjum tónleikastað fyrir sig. Inn í þetta fléttast svo spuni, kynferði, húmor og alls kyns útúrdúrar. Frá því hún kom fyrst fram með sýninguna hefur hún unnið með hinum rómaða leikstjóra Toby Sedgwick; verðlaunahafa Laurence Olivier verðlaunanna og John Baxter, deildarstjóra LAMDA skólans.

Miðvikudagskvöldið 21. maí mun Zoë frumflytja verkið Makhana sem Gunnar Karel Másson, hljóðskáld og María Dalberg, vídeóskáld hafa verið að vinna að síðan í janúar á þessu ári og er sérstaklega samið með hana í huga. Í verkinu munu áhorfendur ferðast um litbrigði hljóðsins í draumkenndum leiðslum fljótandi hugsana. Verkið er heildstæð upplifun þar sem mynd er ekki hljóðsett og hljóð ekki myndskreytt, heldur er hljóð og mynd eitt og hið sama.

Dagana 16.-18. maí heldur Zoë Martlew, ásamt tónlistarkonunum Þórunni Grétu Sigurðardóttur og Kristínu Þóru Haraldsdóttur, opna vinnustofu um listgjörninga á mörkum leiklistar og tónlistar.
Zoë mun þar fjalla um spuna, með eða án hljóðfæra, m.a. út frá prósaverkum Aperghis. Þá mun hún kynna þær aðferðir sem hún notast við í Revue Z, auk þess að tæpa á aðferðum tónskálda á borð við Kagel, Foss, Cardew, Cage og Brown, skoða aleatórík (tilviljanir) í verkum eftir Lutoslawski, Maderna ofl.

Þórunn Gréta og Kristín Þóra munu greina þá möguleika sem felast í að má út mörkin á milli tónlistar og leiklistar á sviði og aðferðir til þess að gera báðum þáttum jafnhátt undir höfði. Þá verða einnig skoðaðar aðferðir til að skrifa raddskrár fyrir slík verk með því að vísa til verka á borð við Staatstheater eftir Kagel auk kynningar á fornum og framandi tónleikhúshefðum, „object-theatre“ og fleiru.

Vinnustofan er ókeypis og öllum opin. Hámarksfjöldi þátttakenda er 20 manns og tekið er við skráningum á netfangið jadarber@jadarber.is

Tímar vinnustofunnar eru sem hér segir:

Fös 16. maí 14:30-16:30
Lau 17. maí 10:30-14:30
Sun 18. maí 11:30-16:30

Lesa meira

Svefnherbergi // Bedroom

Tónlistarviðburður á Jaðarberi miðvikudagskvöldið 19. mars 2014 kl: 20.00 í Hafnarhúsinu.

Halla Steinunn Stefánsdóttir og Berglind María Tómasdóttir flytja verk sem hverfast um vitund og undirdjúp, svefnfarir og handanheima.

Verk eftir Þuríði Jónsdóttur, Nicholas Deyoe, Þorkel Sigurbjörnsson, Clinton McCallum, Hildi Guðnadóttur, Maríu Huld Markan Sigfúsdóttur, Önnu Þorvaldsdóttur, Höllu Steinunni Stefánsdóttur og Berglindi Maríu Tómasdóttur.

Halla Steinunn Stefánsdóttir fiðla
Berglind María Tómasdóttir flautur, hrokkur

//

Concert Wednesday March 19 2014 at 8 pm in Hafnarhúsid.

Halla Steinunn Stefánsdóttir, violin and Berglind María Tómasdóttir, flutes and “hrokkur” come together and perform a program around the motives consciousness, abyss, dreaming and the other world.

Works by Thurídur Jónsdóttir, Nicholas Deyoe, Thorkell Sigurbjörnsson, Clinton McCallum, Hildur Gudnadóttir, María Huld Markan Sigfúsdóttir, Anna Thorvaldsdóttir, Halla Steinunn Stefánsdóttir and Berglind María Tómasdóttir.

Lesa meira

SONIC 2.1

Sonic 2.1 – Elektrónískir tónleikar – miðvikudagskvöldið 19. febrúar í Hafnarhúsinu kl: 20 – ókeypis inn.

Verk eftir: Árni Guðjónsson (live set), Marcus Wrangö, Christos Farmakis, Ylva Lund Bergner og Jonatan Liljedahl.

Sonic 2.1 er úrval verka frá tónlistarhátíðinni Sonic 2.0 Cold sounds / Warm hearts sem fram fór í Kaupmannahöfn síðastliðinn september.
Sonic einbeitir sér að því að rannsaka sambandið á milli “elektrónískra” rafhljóða og akústískra hljóðfæra eða rýmis. Verkin sem við heyrum eru öll að vinna aðallega með samtalið á milli rýmis og hljóða, hvert á sinn hátt.

//

A premier selection: The Icelandic version 2.1 of the electronic festival Sonic 2.0 which was held in Copenhagen in fall 2013. Featuring: Árni Gudjónsson (live set), Marcus Wrangö, Christos Farmakis, Ylva Lund Bergner and Jonatan Liljedahl.
When: Wednesday February 19 at 8 pm – Where: Hafnarhúsid – free admission.

Sonic Festival

Lesa meira

For John Cage: Morton Feldman

For John Cage (1982) eftir Morton Feldman — Tónleikar á Kjarvalsstöðum, miðvikudaginn 27. nóvember 2013 kl: 20.00 — Una Sveinbjarnardóttir, fiðla og Tinna Þorsteinsdóttir, píanó — ókeypis aðgangur.

Morton Feldman (1926-1987) samdi For John Cage (1982) á síðasta hluta ferils síns og verkið ber þau merki er einkenndu tónsmíðar þess tímabils. Verkið er langt, eða um 70 mínútur, en verk Feldmans voru oft á tíðum mjög löng undir það síðasta, eins og strengjakvartettinn hans String Quartet II (1983) ber glöggt vitni, en hann tekur um sex klukkutíma í flutningi. Samsetningin, fiðla og píanó, er hinsvegar ekki dæmigerð fyrir verkalista Feldman´s. Hér sem áður rannsakar Feldman „stasis“ ástand, sem mætti hugsanlega þýða sem flæðistregðu, en það var honum óþreytandi rannsóknarefni og samband þess við hið fullkomna stasis-ástand; þögnina. Verkið er samið fyrir John Cage, en þeir voru vinir og kollegar ævilangt og höfðu mikil áhrif hvor á annan.

//

For John Cage (1982) by Morton Feldman — November 27 2013 at Kjarvalsstadir at 8 pm — Una Sveinbjarnardóttir, violin and Tinna Thorsteinsdóttir, piano — free entrance.

For John Cage (1982) by Morton Feldman (1926-1987) will be performed in this concert. Written in the final phase of his career, the work is typical for this period, a long work or almost 70 minutes. Here Feldman explores his lifelong experimentation on the “stasis” of sound and its relationship to the greatest stasis: silence. Una Sveinbjarnardóttir is the concertmaster of Reykjavik Chamber Orchestra and performs with the Iceland Symphony Orchestra and Tinna works as a free lance pianist.

Lesa meira

Sláturtíð 3/International festival of S.L.Á.T.U.R. 3

Í þriðja sinn fer Sláturtíð tónskáldafélagsins S.L.Á.T.U.R. fram í samvinnu við Jaðarber. Lykilatburðir eru „Inn og norður, suður og niður“, „Harmóla“, „Neotrope“, „Tinna tekur slátur“, „Galatónleikar Fengjastrúts“, „Reif í slátrið“, þetta og margt fleira í anda níunda áratugarins á Sláturtíð 2013. 16-19 október. -Ókeypis inn
Dagskrá Sláturtíðar 2013
//
For the third time the International festival of the composers´collective S.L.Á.T.U.R. will be held in cooperation with Peripheriberry. The festival takes place on 16-19 October 2013 and admission is free!
Program 2013

Elsa alvitra og neoN Ensemble/Clever Else and neoN Ensemble

Tónleikverkið Elsa alvitra eftir tónskáldið Þórunni Grétu Sigurðardóttur verður frumflutt á Jaðarberi þriðjudaginn 24. september kl: 20 í Hafnarhúsinu, en verkið er byggt á samnefndu Grimms-ævintýri. Flytjendur eru:

Elsa: Ragnheiður Árnadóttir
Hans: Gísli Magnason
Flauta: Melkorka Ólafsdóttir
Klarinett: Kristine Tjøgersen
Slagverk: Ane Marthe Sørlien Holen
Píanó: Tinna Þorsteinsdóttir

Leikmynd: Úlfur Grönvold
Lýsing: Stefán Benedikt Vilhelmsson
og Oddur Bjarni Þorkelsson
Sérstakar þakkir: Hafnarhúsið, Hampiðjan
og Ásta Kristín Þorsteinsdóttir
Umbrot: Glamour Et cetera

Verkefnið er styrkt af Nýsköpunarsjóði námsmanna. Leiðbeinendur í verkefninu eru Atli Ingólfsson og Steinunn Knútsdóttir.

Á sömu tónleikum munu meðlimir úr hinu unga og efnilega neoN Ensemble frá Noregi flytja verk eftir tónsmíðanema úr Listaháskóla Íslands. Verkin eru afrasktur vinnusmiðju sem haldin er í samvinnu við LHÍ. Verk eiga Gísli Magnússon, Bára Gísladóttir og Örnólfur Eldon. –Aðgangur er ókeypis!
//
The premiere of a new music theatre piece – Clever Else – based on the Grimm´s fairy tale by composer Thórunn Gréta Sigurdardóttir. Tuesday September 24th at 8 pm in Hafnarhúsid. Performers are:

Elsa: Ragnheidur Árnadóttir
Hans: Gísli Magnason
Flute: Melkorka Ólafsdóttir
Clarinet: Kristine Tjøgersen
Percussion: Ane Marthe Sørlien Holen
Piano: Tinna Þorsteinsdóttir

Members from the young, Norwegian neoN Ensemble are performing some brand new works in the same concert by composition students from the Iceland Academy of the Arts, after giving a workshop in cooperation with the academy. Works by Gísli Magnússon, Bára Gísladóttir and Örnólfur Eldon. –Entrance is free!

Lesa meira

Sumarkveðja/summer postcard

Jaðarber er búið að vera til í tvö ár núna og endurvakið og frumflutt verk eftir m.a. eftirfarandi tónsmiði á þessum tíma (ekki í stafrófsröð). Við stefnum á að flytja verk eftir enn fleiri! Fylgist með í haust….
//
Peripheriberry has been active for two years now and has performed and premiered works by these artists a.o. (non-alphabetically). We aim at performing pieces by many more! Stay tuned this fall….

: Charles Ross, Áki Ásgeirsson, Jesper Pedersen, Ingi Garðar Erlendsson, Páll Ivan Pálsson, Elín Anna Þórisdóttir, Humar Örn Pálsson, Una Sveinbjarnardóttir, Þráinn Hjálmarsson, Katie Elizabeth Buckley, Mauricio Kagel, Anna Þorvaldsdóttir, Carolyn Chen, Antonia Barnett-McIntosh, John Cage, Simon Steen-Andersen, Kaj Aune, Stine Sørlie, Øyvind Torvund, Yoko Ono, Nam June Paik, George Brecht, Tomas Schmit, Ben Vautier, Takehisa Kosugi, Pauline Oliveros, Magnús Blöndal Jóhannsson, Þorkell Sigurbjörnsson, Atli Heimir Sveinsson, Leifur Þórarinsson, Dieter Roth, Þorsteinn Hauksson, Gerhard Stäbler, Kunsu Shim, Bjargey Ólafsdóttir, Steve Reich, Alvin Lucier, Bergrún Snæbjörnsdóttir, Manuel Rodriguez Valenzuela, Viktor Orri Árnason, Martin Rane Bauck, Jens Peter Møller, Ansgar Beste, Miika Hyytiäinen, Kaj Duncan David….